My neighbors in Switzerland

In today's Swiss German lesson we will talk about neighbours. 

Do you get along with your neighbours? 

How do you solve problems with them?

Uf dem Bild schiint s, dass de Nochber siis Auto vor de Garasch vom andere parkiert het.
On this picture, it seems that the neighbour parked his car in front of the garage of the other one.

Jetz cha-n-er mit siim Auto nid i d Garasch fahre.
Now he can't drive into the garage with his car.

Was würdsch i dere Situation mache?
What would you do in this situation?

Im Momänt bi-n-i guet druf und ich glaub ich würd ganz aaschtändig go froge, öb er siis Auto chönnt nöimed andersch äneschtelle.
At the moment I feel good and I think I would go and ask very politely, whether he could park his car somewhere else.

Meischtens mached das d Nochbere jo nid mit böse Absichte.
Mostly the neighbors don't do this with bad intentions.

Drum isch es besser, wenn mer ruig bliibt und si fründlich druf hiiwiist.
That's why it's better when one stays calm and points it out friendly.

Ich cha-mer s chuum vorschtelle, dass si denn nid bereit wäred, s Auto z verschtelle.
I can barely imagine that then they wouldn't be happy to move the car.

Di meische Lüüt sind jo vernümftig.
Most people are reasonable. 

Meischtens git s e logischi Erklärig defür, wiso öpper so öppis macht.
Mostly there is a logical explanation, why someone would to something like that.

Vilicht isch es jo e-n-eleierziehendi Mueter, wo einsam isch und gärn Bsuech hätt.:-)
Maybe it's a single mother, which is lonely and would like to have guests. :-)

Wenn s natürlich öpper extra macht, nur zum mi närve, denn chönnt-i im schlimschte Fall au no de Polizei aalüüte, aber nume, wenn s nid andersch goht.
When somebody does this deliberately, of course, just to get on my nerves, then in the worst case I could call the Police, but only when it doesn't work differently.

Es isch vil wärt, wenn mer gueti Beziehige mit sine Nochbere het.
​It's worth a lot, when one has good relationships with his neighbours.

Schwirigkeite mit de Nochbere

• Gopf, jetz het doch dä Hund vo s Nochbers scho wider i üse Garte gschisse! 
  Ich ha s langsam satt, dass üse Vorgarte es Hunde WC isch.
  Damn, now the neighbors' dog has shit in our garden again! 
  I've got enough that our front yard is the dogs' toilet.

• Vilicht sötte-mer s ine einisch säge.
  Ich bi sicher, dass d Chind z fuul sind d Hundeschiissi zämezläse.
  Und d Eltere merked s nid emol.
  Maybe we should tell them once.
  I am sure that the children are too lazy to pick up the shit.
  And the parents don't even notice.

• Du hesch rächt.
  D Chind hend dä Hund wölle.
  Jetz sölled si au sine Dräck putze.
  Ich säge s morn de Nachberi, wenn-i si gseh.
  ​You're right.
  The children wanted that dog.
  Now they shall clean up its dirt.
  ​I tell it our neighbor tomorrow when I see her.

Sich bi de Nochbere aaschtändig beschwäre

S Huebers hend es Fäscht, do lüüted Telefon.
At the Hueber Family, there is a party, and the phone is ringing.
​

• Josi Hueber.
  Josi Hueber.
  
  
• Jo grüetsi Herr Hueber, do isch de Hubert Zemp.
  Yes. Hello Mr. Hueber, here is Hubert Zemp.
  
  
• Guete-n-Obig Herr Zemp.
  Good evening Mr. Zemp.
  
  
• Herr Hueber. Nüüt für unguet. Ich gseh, ihr hend do es grosses Fäscht im Gang und ich möcht nid lang schtöre.
  Mr. Hueber. No offense. I see you have a big party going on, and I wouldn't like to disturb for long.
  
  
• Ne-Nei, si schtöred gar nid. D Olivia fiired hüt ire 18ti Geburtstag.
  No no, You don't disturb at all. Olivia is celebrating her 18th birthday today.
  
  
• Das isch jo sehr schön, mir lönd ire härzlich lo gratuliere.
  Aber ich hätti gliich wölle bitte, öb s nid möglich wär, d Musig e chli liisliger z schtelle.
  Mir wäred Ine sehr dankbar.
  Wüssed Si, mini Frau het morn Früehdienscht und cha bi dem Lärm nid iischlofe.
  This is very nice, wholehearted congratulation.
  But I wanted to ask whether it would be possible to put the music down a bit.
  We would be very grateful to you.
  You know, my wife has the early shift tomorrow and she can't sleep with that noise.
  
  
• Oh, das isch mir nid bewusst gsi!
  Es tuet öis würklich Leid.
  Ich leite s grad wiiter.
  Nüüt für unguet und no e gueti Nacht!
  Oh, I wasn't aware of that!
  We're really sorry.
  I will pass it on right away.
  No offence and I wish a good night!
  
  
• Danke vil mol.
  Mir wüssed das sehr z schätze.
  Uf widerluege und e gueti Nacht Ine au.
  ​Thanks a lot.
  We really appreciate that.
  Good bye and a good night to You too.