Here's a short story told by my student from Hungary. 

Wo-n-i i de Schwiiz bi gsi, bi-n-i mit em Bähnli uf de Pilatus gange.

Am gliiche Tag bi-n-i au z Luzärn gsi.

Denn bi-n-i uf Gruyère und uf Broc gange, aber i de Schoggi Fabrik hätt-i müsse zwöi Schtund lang Schlange schtoh, wil s so vil Lüüt gha het.

Drum bi-n-i det nid gsi.

Au s Jungfraujoch het nid döffe fähle.

Ich ha s Inter-Rail Ticket gha für d Schwiiz, aber ab Interlake Oscht ha-n-i müsse nochezahle.

Zum Glück ha-n-i mit miim Interrail-Bilet Rabatt gha uf s Bilet für s Jungfraujoch, aber trotzdem het s no 186 Franke 20 gchoschtet.

Ich ha während miim Ufenthalt i de Schwiiz immer z Bar übernachtet.

Vo det isch es ganzi 5 Schtund gange, bis i uf em Jungfraujoch obe gsi bi.

Uf de chliine Scheidegg ha-n-i meh als e Halbschtund Uufenthalt gha. 

Ich ha mi müsse chli aklimatisiere.

Aber det isch au sehr schön gsi.

Uf em Jungfraujoch het s e Hütte, wo 45 Minute vo de Schtation ewäg isch.

Leider ha-n-i zwenig Ziit gha, bis det z wandere.

Aber um d Bärgschtation ume het s au interessanti Ort.

Es het e-n-Iispalascht, e-n-Uuschtellig über d Bahn und d Bärge, und verschideni Uussichtspünkt, wo mer es wunderbars Panorama uf die höchschte Bärge vo de Schwiiz het.

Vo det uus gseht mer au de Aletschgletscher.

Det het s au e Freiziitpark, wo mer uf em ewige Iis cha go schiifahre oder schlittle, aber ich bi nid gange.

Das isch ebe i miim Bilet nid inbegriffe gsi.

Das hätti wider zuesätzlich gchoschtet. Miis Zugbilet isch süsch scho sehr tüür gsi und het mir es Loch is Portmonnee gfrässe gha. 

Wenn mer de Swiss Pass het, denn cha-mer chli meh mache mit de Bahn.

Defür isch de Swiss Pass chli tüürer als s Interrail-Bilet.

Ich ha 216 Franke zahlt für füüf Täg Interrail. Das lohnt sich, wenn mer vil mit em ÖV underwägs isch, vor allem, wenn mer keis Halbtax het.

S Guete isch, dass mer demit au uf de Bärgbahne chli Ermässigung het.

Ich ha miis Interrail-Bilet no z Ungarn gchauft.

Das Ticket isch während emene bestimmte Monet gültig, wo mer sich d Reisetäg frei cha uuswähle. 

Mit em Interrail-Bilet cha-mer au Bus und Schiff fahre. Es isch so wie-n-es GA.

Ich ha z Bar e Wohnig uf AirBnB gfunde, wo-n-i für die Täg gmietet ha.

Uf em Internet isch gschtande, dass die Wohnig näb-emene Park isch.

Denn ha-n-ich ine es Email gschribe.

De Vermieter het mir zrugg gschribe und gseit, dass ich nöimed andersch wird wohne, aber dass er mir alles wird zeige.

Ich bi also sehr gschpannt gsi,  wo-n-i schlussändlich wird schlofe.

Mini Wohnig isch es chliises, gmüetlichs Schtudio gsi.

Und ich ha für die 4 Nächt knapp 400.- Franke zahlt.

Das isch s billigschte Aagebot gsi für es Schtudio.

Mir isch es wichtig gsi, dass i au e Chuchi ha. So ha-n-i s Zmorge sälber chönne mache und Picknick vorbereite.

Ich ha versuecht s z vermiide is Reschtorant z goh.

Defür ha-n-i Cervelats oder anderi Würscht und Brot gchauft.

Wie hesch de erscht Auguscht erläbt?

Das isch de Tag gsi, wo-n-i uf em Pilatus gsi bi.

Eigentlich ha-n-i wölle am Obig uf Züri goh, go erschte Auguscht fiire, aber ich ha s Fäscht nid gfunde und es het keis organisierts Füürwärch gha.

Ich bi enttüscht gsi, wil i imene Artikel über s erscht-Auguscht Fescht z Züri gläse ha, dass es sehr schön mues sii.

Wo-n-i gmerkt ha, dass es z Züri keis Füürwärch git, isch es leider scho z schpot gsi, uf Zug oder Luzärn goh.

Ich möcht bald wider i d Schwiiz goh. 

Ich möcht go Gleitschirmflüüge, i d Bärge, zum Biischpil uf Rigi Kaltbad goh und no vili anderi Ort go bsueche.

Dä Uusflug het mir Ziit gäh zum mich z sammle und über miis Läbe nochezdänke.

Wo-n-i hei bi cho, ha-n-i mi wider chli klarer gseh, obwohl, dass i nid vil bewusst über miis Läbe nochedänkt ha.

Ich ha s Gfühl, dass d Ziit riif isch für e Veränderig.

Das isch nid eifach e schpontani Entscheidig, wo sich schnäll wider verflüchtiget.

Ich ha s Gfühl, do isch öppis, wo sich langsam entwicklet und Form aanimmt.

S nöchschte Abentüür warted druf, erläbt z wärde!

In today's Swiss German lesson we will talk about neighbours. 

Do you get along with your neighbours? 

How do you solve problems with them?

Uf dem Bild schiint s, dass de Nochber siis Auto vor de Garasch vom andere parkiert het.
On this picture, it seems that the neighbour parked his car in front of the garage of the other one.

Jetz cha-n-er mit siim Auto nid i d Garasch fahre.
Now he can't drive into the garage with his car.

Was würdsch i dere Situation mache?
What would you do in this situation?

Im Momänt bi-n-i guet druf und ich glaub ich würd ganz aaschtändig go froge, öb er siis Auto chönnt nöimed andersch äneschtelle.
At the moment I feel good and I think I would go and ask very politely, whether he could park his car somewhere else.

Meischtens mached das d Nochbere jo nid mit böse Absichte.
Mostly the neighbors don't do this with bad intentions.

Drum isch es besser, wenn mer ruig bliibt und si fründlich druf hiiwiist.
That's why it's better when one stays calm and points it out friendly.

Ich cha-mer s chuum vorschtelle, dass si denn nid bereit wäred, s Auto z verschtelle.
I can barely imagine that then they wouldn't be happy to move the car.

Di meische Lüüt sind jo vernümftig.
Most people are reasonable. 

Meischtens git s e logischi Erklärig defür, wiso öpper so öppis macht.
Mostly there is a logical explanation, why someone would to something like that.

Vilicht isch es jo e-n-eleierziehendi Mueter, wo einsam isch und gärn Bsuech hätt.:-)
Maybe it's a single mother, which is lonely and would like to have guests. :-)

Wenn s natürlich öpper extra macht, nur zum mi närve, denn chönnt-i im schlimschte Fall au no de Polizei aalüüte, aber nume, wenn s nid andersch goht.
When somebody does this deliberately, of course, just to get on my nerves, then in the worst case I could call the Police, but only when it doesn't work differently.

Es isch vil wärt, wenn mer gueti Beziehige mit sine Nochbere het.
​It's worth a lot, when one has good relationships with his neighbours.