Gardening in Swiss German

de Rase umegrabe
to dig up the lawn

de Gmüesgarte
vegetable garden

es Beetli aalegge
to create a garden bed/patch 

de Same
seed

de Setzlig
seedling

Salot-Setzlig setze
to plant small salad plants

ärnte
to harvest

Ferie uf em Buurehof verbringe (verbrocht ha) 
to spend holidays on the farm

de Sälbschtversorger
a person who grows his own food

öppis Guets
something good

Si nutzed d Ziit.
They make use of the time.

Drü Täg vor em Lockdown sind mini Eltere i s Gartezentrum gange und hend vil Same für e Gmüesgarte gchauft.

Mini Eltere hend jetz ire Rase umgrabe, und möchted e Gmüesgarte drus mache.

Das isch schön, wenn si am Ändi vo dere Covid-Periode, denn öppis guets us em eigete Garte chönd ärnte.

Mini Mueter seit em Gmüesgarte “Bünd”.

Das seit mer z Wintertur so.

Süsch seit mer es Beetli.

Mini Eltere hend also i irem Garte nöi drü Gmüesbeetli aagleit.

Iri Grosseltere sind Buure gsi und si het als Chind iri Ferie hüüfig uf em Buurehof im Zürcher Wiiland verbrocht.

Mine Grossvater het als Chind au sehr vil uf em Buurehof müsse schaffe.

Mini Grosseltere hend immer e grosse Gmüesgarte gha und sind fascht Sälbschtversorger gsi.

Jede Obig het s öppis Guets us em Garte gäh, au wenn s nur Salat isch gsi.

Mine Grossvater het vil i de Mittagspause im Garte öppis gmacht.

Jede Mittag isch er vo siim Poschtbüro z Winterthur heicho und no schnäll e Halbschtund i Garte gange.

Das würded hüt d Lüüt hüt nid mache.

Mir chunnt das komisch vor, dass mer e so-n-e langi Mittagspause macht. 

Das isch sehr schwiizerisch.

Aber ich dänke das isch e gueti Idee.

Wenn alli e Mittagspause hend, isch es eifacher, gmeinsami Ässensziite z ha und das isch guet für d Familie.

Mini pensionierte Eltere hend also jetz noch längerer Ziit ändlich wider e Gmüesgarte.

​Si nutzed d Ziit, wo si dehei münd verbringe produktiv. Ich bi gschpannt was drus wird.