Hiking in winter

Das Wuchenänd het s vil gschneit.

Es isch s ideale Wätter gsi für so-n-e WHM Kurs.

Mir hend Glück gha, dass es z Zermatt nid gschtürmt het.

Mir sind 15 Lüüt gsi, wo a dem Wuchenänd hend teilgnoh.

Die Wim Hof Methode isch ganz öppis bsunders.

Wo mir im iischalte Fluss sind go bade, hend einigi Lüüt üs aagschproche.

Si hend gfrogt, wiso mir das mached.

Mir hend ine erklärt, dass es sehr gsund isch.

Si hend rächt verschtändnisvoll druf reagiert.

Mir hend über de ganz Tag immer wider die Atemüebige gmacht.

Das isch e wichtige Teil vo de Wim Hof Methode.

Ich cha de Atem öppe e Minute lang aahalte.

Mer tuet immer sehr tüüf iischnuufe und schnuufed wider uus für öppe 40Mal.

Nochhär haltet mer de Aatem aa so lang wie  s goht.

Einisch noch em Uuschnuufe und denn wenn mer wiider iigschnufet het.

S Ganze widerholt mer öppe 4 Mal.

Bim dritte oder vierte Mal bi-n-i meischtens iigschlofe.

Die Atemüebige sind so entschpannend.

Drum ha-n-i s nochhär im Sitze probiert.

Mir hend au es Grät gha, wo de Suurschtoffghalt vom Körper misst.

Mine Suurschtoffghalt isch vil besser worde.

Üse Leiter het gseit, dass er zwöi Mal pro Tag zwöi Rundene Atemüebige macht.

Das längt scho.

Ich dänke, das chönnt-i eigentlich au mache.

Es wär sicher vo Vorteil, wenn i die Gwohnheit würd i mine Alltag iibaue.

Das wär e guete Nöijohrsvorsatz.

Am Sunntig si-mer denn e Schtund lang i churze Hose und T-Shört go laufe.

D Passante hend üs alli komisch aagschtarrt.

Alli sind so warm iipackt gsi mit Winterjagge, Schal, Händsche und Chappe.

Das isch de Höhepunkt vo üsem Kurs gsi und ich ha mi nochhär total guet gfühlt.

Und du?

Hesch Luscht übercho, das au einisch uuszprobiere?

Oder bisch e Gfröörli?