A thief

Ich bi hüt gschäftlich z Götheburg, z Schwede.

Hüt am Morge ha-n-i im Hotel es Kafi trunke und bi Züüge vo-n-ere richtige Action-Film-Szene worde.
​

E Dieb het nämlich d Turischte uf em Platz beschtole! 
Er het Läbtop, Uure, Händis Portmonee und Handtäschli lo mitlaufe.

Zum Glück isch er nid sehr diskret gsi. Mer het ne uf früscher Tat ertappt. Einigi Lüüt hend de Dieb sofort verfolgt. 
​

Si hend ne schnäll gfasst gha. Ich ha halb schokiert und halb amüsiert die Szene beobachtet. Denn isch d Polizei cho und het de Täter mitgnoh. Jetz isch er sehr wahrschiinlich scho im Gfängnis.