Swiss German with Nadia

Join us every Monday evening for our Advanced Swiss German Conversation Class with Nadia!

We discuss different  topics and focus on conversation skills.

Prefer something simpler?

Check out our VIP course with four short dialogues at 8:00 p.m. with Kathrin.
​
Choose your level and let's chat! 🗣️💬

Learn with Nadia

VIP course

​Über Diäte und Schpezialitäte

Diäte sind e grosses Thema und immer aktuell. Villi mached Diäte zum abnäh und anderi zum gsünder sii. Mängisch het mer kei Wahl und mer mues sich us gsundheitliche Gründ wie Intoleranze oder andere Chrankete, wie em Reizdarmsyndrom, an-e schtrikti Diät halte.

Ich ha nie es Problem mit mim Gwicht gha,. Ich bi immer relativ schlank gsi und bis immerno 😊 au will-i vill Schport mach. Aber au ich ha scho Diäte gmacht. Moll het mer en Naturheilpraktiker bi de Behandlig vo minere Neurodermitis, das isch e Huutchranket, e Diät verschriibe. Villes hani nid dörfe ässe wie zum Bischpill: Nüss, Weize, Milchprodukt und Zucker. Das isch nid eifach gsi und mis Mami het mir zu dere Ziit gholfe gueti Sache zuebereite, wo-n-ich ha chönne ässe.

Audio for members

​
Denn han ich vor es paar Johr Parasite gha und zwar en eher unbekannte Typ, wo schwirig isch zum loswerde. Ich ha denn selber mit-ere Diät aagfange. Ich ha vorallem Mehl und Zucker, aber au sehr süessi Frücht versuecht z vermiide. Leider bin ich zu dere Ziit sehr mager worde, under anderem au weg em Parasit. Aber zum Glück han ich mit-ere Herbalischtin zämme d Parasite chönne bekämpfe und mit vil Determination und Durchhaltevermöge bin-i s denn endli los worde.

Aber jetzt mach-i grad kei Diät. Ich iss i de Regel gsund, will ich Vegetarierin bi – guet das isch jo au e Diät! Aber ich chönnti villicht e chli weniger zuckerhaltigi Sache ässe, ich ha mängisch gern öppis Süesses. Aber momoll so-n-es Glace ab und zue goht jo scho. Wenn ich selber Chueche bach, versuech ich mit möglichscht wenig Zucker z bache. Oft ersetz ich de Zucker mit anderem wie Banane, Honig oder Kokosnussblüetezucker. Grad letscht Wuche han-i en Schoggi-Bananechueche gmacht. Es Problem isch, dass er mit-eme Vanilleglace no besser schmöckt! Und det het s jo bekannterwiis wider sehr vil Zucker drin.

Ich choche gern und ha mir scho paar Rezept aageignet, mer chönnti säge das sind mini Schpezialitäte. Dezue ghöred Schpätzli, eis vo mine absolute Lieblingsässe. Drum han-i e Schpätzlisiib nach Costa Rica brocht und mach s öppedie für min Partner und mich. Er het s au sehr gern.

Aber inzwüsche han-i au glernt verschideni costaricanischi Gricht z’mache. Wenn-i i de Schwiiz bi mach-i mindeschtens eimoll s berüehmte Gallo Pinto – Riis mit Bohne. Zerscht mues mer d Bohne choche und dezue nimmt mer i de Regel Riis vom Vortag. Mer brötlet Bölle (Zwible) und Chnobli aa, ich tue gern no chli Pepperoni dezue. Denn tuet mer chli Kidney- oder schwarzi Bohne mit em Sud dezue und loht das e Ziitli chöcherle. Denn tuet mer de Riis dezue und am Schluss no früsche Koriander. De cha mer aber au wegloh, will nid alli Koriander gern hend. Gallo Pinto isst mer i de Regel zum Zmorge mit Ei (Rührei oder Schpiegelei), Chochbanane, Chäs, Suurrahm und / oder Würschtli (we-mer Fleisch isst).
​

Join speaking practice with Nadia

Basic or VIP coruse

​Froge:

Hesch du scho moll e Diät gmacht? Oder machsch grad eini?

Verzell wiso und was für e Diät, dass d gmacht hesch.

Hesch au scho weg-ere Chranket müese druf luege, was issisch?

Bisch du au scho zu-mene Naturheilpraktiker gange? Oder hesch anderi alternativi Medizin i Aaschpruch gnoh?

Welles isch dini «Ässens-Sünd»? Bi was fallt s dir schwär d Finger devo z loh?

Welles Gricht oder weli Schpezialität us dinere Heimät vermissisch, wenn d im Usland bisch?

Versuechsch du gsund z ässe?

Uf was achtisch?

Hesch du e gsunds Chuecherezept?

Was sind dini Schezialitäte?
​
Chasch du es Rezept mit üs teile?