This week, everything revolves around vacation destinations like Croatia and Italy. These two countries are about to meet in the European Championship, so we thought we could talk a bit about them.
​
Would you like to improve your Swiss German  with other people learning Swiss German in our conversation group on Monday evening at 8:15 PM (advanced) or VIP 8 pm course ?

Then write us a short email, and we will get in touch with you.
​
In a relaxed and friendly atmosphere, we discuss new expressions and other questions with Nadia or Kathrin. In the small group conversation, you can discuss these questions together and see where the conversation takes you.
So, sit back and let's discover these dreamy travel destinations together. Here we go!

🗣️ VIP conversation class with Nadia or Kathrin 🗣️ 

🇨🇭 ⬇️​ 30 day free trial ⬇️ 🇨🇭

​Die Woche dräit sich alles um Ferieziil wie Kroatie und Italie. Die beide Länder schtönd churz devor, sich bi de Europameischterschafte z begägne, und drum he-mer dänkt, dass mir e chli über si chönnted rede.

Möchtisch mit andere Lüüt, wo Schwiizertüütsch leered i üsere Konversationsgruppe am Mäntigobig am Viertlab Achti dine mündlichi Uusdruck verbessere? Denn Schriib üs es churzes Mail Und mir wärded üs mit dir i Kontakt setze.
​
I-nere lockere und fründschaftliche Atmosphäre beschpräche mer mit de Nadia nöii Usdrück und anderi Froge und im Gschpröch i-nere Mini-Guppe chönd ir zäme über die Froge rede und luege, wo öich das Gschpröch hiifüehrt.
Also, lähned öich zrugg und lönd üs zäme die troumhafte Reiseziil entdecke. Los goht's!

​Wohi gönd mer id Ferie: Kroazie oder Italie?
​
Hüt am Mäntigobig schpillt Kroazie gege Italie a de Fuessball-EM. Aber die Länder hend nid nur e gueti Fuessballmannschaft, sondern sind au beliebti Feriedeschtinazione.

Ich selber bi no nie z Kroazie gsi, aber ich ha nume Guets ghört. Es gäbi villi schöni Altschtädt und au wunderschöni Insle und Nationalpärk. Min Partner isch scho moll z Kroazie gsi. Genau er isch vo Costa Rica bis uf Kroazie gfloge. Er isch en Skater und het det under anderem gskatet und zämme mit-eme andere Skater vo Costa Rica hend si ihren Skate-Film am Vladimir Filmfestival präsentiert.

​Ich bi aber scho e paar Moll z Italie gsi. Vorallem wo-ni no chli gsi bi, sind mir, aso mini Familie, e Ziit lang fasch jedes Johr i de Herbschtferie gange. Mis Mami isch Italiefän gsi und het drum au Italienisch glernt. Mängisch sind mer an Gardasee, unwiit vo de Schwiizer Grenze, aber au moll noch Venedig und ganz villi Moll nach Ligurie. Ligurie het mir ganz guet gfalle, d Schtränd und di chline Schtädli und Dörfli. Defür het mer Venedig nid e so guet gfalle. Ich ha’s als grau und dräckig empfunde.
​
Währed de Ferie in Italie, han ich au welle chli Italienisch lerne und ha als chlises Meitli denn scho immer d Rechnig für üs bschtellt. Schpöter i de Schuel, i de 2. Sek, han ich denn sogar Italienisch als Freiwilligefach gno. Weg mine Vorkenntnis han-i immer 6er gha. Ich verschtoh Italienisch no es bitzeli, aber weg em Schpanisch und will’s scho es Ziitli her isch, chan-i nüme vill rede.

​Denn hend mir i de 4. Sek e Schüelerreis nach Viareggio gmacht, das isch i de Toskana. Au en ganz en schöne Strandort. Das isch luschtig und intressant gsi. Mer mues au no erwähne, dass d Italiener sehr herzlichi und gastfründlichi Mensche sind. Mir sind uf dere Reis au Florenz, Pisa mit sim schiefe Turm und Siena go bsueche.

​Mini letscht Reis noch Italie, won-i mit-ere guete Fründin uf Rom bi, isch sicher scho 10-15 Johr her. Rom isch e sehr beeidruckendi Schtadt. Es het monumentali Bauwärch wie s Kolosseum, wo üs als Züüge vo de Gschicht a vil historischi Begäbeheite erinnered, di vile Chirche, wo meischtens en Marmorbode hend und voller atemberaubende Wandmolereie, Mosaik und Schtatue sind, all di chline Details, wo überall i minutiöser Handarbeit sind usgarbeitet worde und und und … Mer gseht, dass Rom mol e sehr e riichi Schtadt isch gsi und die Mächtigschte vo de Welt do verwiilt hend.

Und s Ässe isch in ganz Italie eigentlich immer hervorragend gsi. Aso mir schmöckts italienische Ässe: Pizza, Pasta, Lasagne und di feine Bacci (Schoggichugle)…und au d Getränk: Wii und guete Espresso. Mamma Mia! Villicht isch s nid unbedingt s gsündschte Ässe vo de Welt, aber mer cha jo nid immer de 5er und s Weggli ha!

​Froge:

Bisch du scho moll z Kroazie oder z Italie gsi?

Wenn jo, wo genau?

Was hesch aagluegt und gmacht?

Wo het s dr am beschte gfalle?

Wenn nei, würdisch gern moll eis vo dene Länder bsueche?

Welles und wiso?

Hesch du gern italienischs Ässe?

Kännsch du kroatischi Schpezialitäte?

Welles isch dis Lieblingsässe vo Italie?

Chasch du no anderi Schproche wie Dütsch, Schwiizerdütsch und Englisch?
​
Luegsch du d Fuessball-EM?

Today, we have a very special episode for you. We're diving into the world of the beautiful canton of Valais. Nadia will tell us about various places in Valais, such as Zermatt, the famous Matterhorn, and, for example, the thermal baths in Leukerbad.

Sit back, relax, and listen as we bring you some gems from Valais. We're glad you're with us.

In our conversation group, our questions will guide you through an engaging discussion with other expats  who want to improve their language skills together.

Our advanced conversation group meets every Monday at 8:15 PM on Zoom with Nadia.
​
For those who prefer more support and are not yet fluent in Swiss German, the VIP course is held on Monday evenings at 8 PM with me.

Sign up for the VIP course or advanced course with Nadia!

You can try it for 30 days for free.

​S Wallis

S Wallis isch en französich- und dütschschprochige Kanton im Südweschte vo de Schwiiiz. Im Oberwallis wird Walliserdütsch und im Underwallis Französisch gredt. Di wunderschön und villfältigi Landschaft vom Wallis zieht jedes Johr villi Bsuecher aa.

De Hauptort isch Sitte (uf französisch Sion). Villi känned s Wallis weg em Matterhorn mit sinere Pyramidesilluette. S Matterhorn ghört au zum Schiigebiet vo Zermatt. Wiiteri Ort im Wallis sind zum Bischpill Martigny, Brig und Saas Fee. Mer seit s schönschte Taal vom Wallis isch s Lötschetaal, e rechts Siitetaal vo de Rhone. E bekannti Persönlichkeit vom Wallis isch de Schwiizer Hotelier Cesar Ritz – de Gründer vom gliichnamige Hotel Ritz.

S Matterhorn isch nid nur schöö zum aaluege, villi Bergschtiiger chömed noch Zermatt zum s Matterhorn beschtiige. Vor meh als 150 Johr, am 14. Juli 1865 isch s Matterhorn zum erschte Moll beschtige worde. Es isch de 4000er vo de Schwiiz, wo als letschte isch beschtige worde. S Bergschtiige, s Schiifahre, di vile Wanderwäg und eifach die schöö Bergkulisse mached Zermatt zu-mene beliebte Ferieort. Es git drum au villi Kafis, Bars und Reschtorant und zudem ane isch Zermatt autofrei und drum umweltfründlicher wie mäng anderi Ferieort. Uf de Schtrosse het immer vil Fuessgänger und ab und zue au elektrischi Fahrzüüg.

Im südliche Wallis isch s Saas-Tal, wo Saas Fee liit. Ähnlich wie Zermatt isch au das vo villne Viertuusiger-Berge umgäh. Aber no iidrücklicher isch de Gornergrat, wo vo 29 Viertuusiger umgäh isch! Er ghört zu de Top-Uusflugsziil im Wallis, will mer vo det e atemberaubends Panorama het. D Uussichtsplattform vom Gornergrat uf 3089m Höchi isch s ganze Johr erreichbar. Mer erreicht si per Zahnradbahn und das scho sit über 115 Johr!  D Fahrt fangt in Zermatt aa und i dene 9339m schtiigt si 1469m hoch ufe bis zur Ändschtazion Gornergrat.

Au sehr bekannt isch de Aletschgletscher. Es isch es UNESCO-Welterbe. De Gletscher isch öppe 23km lang und het e Flächi vo cirka 100km². Obwohl de Gletscher am schmelze isch, sind d Iismasse immer no imposant.

De Hauptort Sitte liit zwüsched de Mündig vom Fluss Sionne und de Rhone. Es isch eis vo de sunnigschte Schtädtli vo de ganze Schwiiz. Drum findet mer do au eis vo de gröschte Wiiaabaugebiet vo de Schwiiz. Für mich git’s no en anders nöis Highlight in Sitte: d Alaia Bay. Di erschti künschtlichi Welle i de Schwiiz.

Im Wallis git’s au ganz eigenartigi Schpezialitäte, oder besser gseit, d Bezeichnige sind eigeartig. Zum Bischpill: d Gommer Cholera. Das isch aber nüt Gfürchigs, sondern eifach es Gmüespaschtetli mit Öpfel und Chäs.

Und no öppis anders isch schpeziell: de Dialekt. Sogar mir Schwiizer hend Problem d Walliser z verschtoh…

Froge:

Bisch du scho moll im Wallis gsi?

Wenn jo, wo?

Wo oder was möchtisch du no bsueche im Wallis?

Falled dir no anderi Sehenswürdigkeite zum Wallis ii?

Hesch du scho moll en Gletscher gseh?

Wenn jo welle, verzell!

Welles findsch du de schönschti Berg vo de Schwiiz?

Hesch du scho moll e Schpezialität (zum ässe oder trinke) vom Wallis probiert?

Verzell!

Hesch du scho moll en Walliser ghört rede?
​
Verschtohsch de Walliser Dialekt guet?

Join us every Monday evening for our Advanced Swiss German Conversation Class with Nadia!

We discuss different  topics and focus on conversation skills.

Prefer something simpler?

Check out our VIP course with four short dialogues at 8:00 p.m. with Kathrin.
​
Choose your level and let's chat! 🗣️💬

​Über Diäte und Schpezialitäte

Diäte sind e grosses Thema und immer aktuell. Villi mached Diäte zum abnäh und anderi zum gsünder sii. Mängisch het mer kei Wahl und mer mues sich us gsundheitliche Gründ wie Intoleranze oder andere Chrankete, wie em Reizdarmsyndrom, an-e schtrikti Diät halte.

Ich ha nie es Problem mit mim Gwicht gha,. Ich bi immer relativ schlank gsi und bis immerno 😊 au will-i vill Schport mach. Aber au ich ha scho Diäte gmacht. Moll het mer en Naturheilpraktiker bi de Behandlig vo minere Neurodermitis, das isch e Huutchranket, e Diät verschriibe. Villes hani nid dörfe ässe wie zum Bischpill: Nüss, Weize, Milchprodukt und Zucker. Das isch nid eifach gsi und mis Mami het mir zu dere Ziit gholfe gueti Sache zuebereite, wo-n-ich ha chönne ässe.

​
Denn han ich vor es paar Johr Parasite gha und zwar en eher unbekannte Typ, wo schwirig isch zum loswerde. Ich ha denn selber mit-ere Diät aagfange. Ich ha vorallem Mehl und Zucker, aber au sehr süessi Frücht versuecht z vermiide. Leider bin ich zu dere Ziit sehr mager worde, under anderem au weg em Parasit. Aber zum Glück han ich mit-ere Herbalischtin zämme d Parasite chönne bekämpfe und mit vil Determination und Durchhaltevermöge bin-i s denn endli los worde.

Aber jetzt mach-i grad kei Diät. Ich iss i de Regel gsund, will ich Vegetarierin bi – guet das isch jo au e Diät! Aber ich chönnti villicht e chli weniger zuckerhaltigi Sache ässe, ich ha mängisch gern öppis Süesses. Aber momoll so-n-es Glace ab und zue goht jo scho. Wenn ich selber Chueche bach, versuech ich mit möglichscht wenig Zucker z bache. Oft ersetz ich de Zucker mit anderem wie Banane, Honig oder Kokosnussblüetezucker. Grad letscht Wuche han-i en Schoggi-Bananechueche gmacht. Es Problem isch, dass er mit-eme Vanilleglace no besser schmöckt! Und det het s jo bekannterwiis wider sehr vil Zucker drin.

Ich choche gern und ha mir scho paar Rezept aageignet, mer chönnti säge das sind mini Schpezialitäte. Dezue ghöred Schpätzli, eis vo mine absolute Lieblingsässe. Drum han-i e Schpätzlisiib nach Costa Rica brocht und mach s öppedie für min Partner und mich. Er het s au sehr gern.

Aber inzwüsche han-i au glernt verschideni costaricanischi Gricht z’mache. Wenn-i i de Schwiiz bi mach-i mindeschtens eimoll s berüehmte Gallo Pinto – Riis mit Bohne. Zerscht mues mer d Bohne choche und dezue nimmt mer i de Regel Riis vom Vortag. Mer brötlet Bölle (Zwible) und Chnobli aa, ich tue gern no chli Pepperoni dezue. Denn tuet mer chli Kidney- oder schwarzi Bohne mit em Sud dezue und loht das e Ziitli chöcherle. Denn tuet mer de Riis dezue und am Schluss no früsche Koriander. De cha mer aber au wegloh, will nid alli Koriander gern hend. Gallo Pinto isst mer i de Regel zum Zmorge mit Ei (Rührei oder Schpiegelei), Chochbanane, Chäs, Suurrahm und / oder Würschtli (we-mer Fleisch isst).
​