Tuesch gärn läse? - E Buechbeschriibig

Do you like to read? - A book description

In this lesson somebody speaks about the book he is reading at the moment.

Vocabulary:
läse - to read
ich läse 
du lisisch
er list
mir läsed
ir läsed 
si läsed
Mir hend gläse - we read
interessant - interesting
glaubwürdig - credible
schpannend - exciting
handle - to act
verzelle - to tell
schildere - to describe/ portray
sich i öpper versetze - to put oneself in somebodys place
di psüchologische Aschpäckt - the psychological aspect
de Iiblick übercho - to get insight

Tuesch gärn läse? - Do you like reading?

Was lisisch im Momänt? - What do you read at the moment?

Wo und i welere Ziit handlet das Buech? - Where and in what time plays the book?

Um was goht s i dem Buech? - What is the book about?

Was macht das Buech interessant? - What makes the book interesting?

Tuesch gärn läse?
Jo. Das mach-i meischtens im Zug.
Was lisisch im Momänt?
Atonement.
Das isch es Buech, wo im zwöite Wältchrieg handlet.
Es goht um d Gschicht vo-mene Maa, wo fälschlicherwiis beschuldiget wird, e jungi Frau vergwaltigt z ha. So isch er im Gfängnis, wo-n-er chönnti verloh, wenn er sich würd schtelle und i Chrieg zieh. Drum goht er mit de britische Armee uf Frankriich, aber eigentlich möcht-er zrugg zu sinere grosse Liebi.
Das Buech isch rächt schpannend. Es handlet nid nume vo ihm. Die Gschicht wird vo verschidene Perschpektive verzellt. Mer chunt Iiblick über i d Gedankewält vo verschidene Persone. Ich finde de psychologisch Aschpäkt vo dem Buech sehr interessant. De Autor cha sich guet i die Persone versetze und schilderet d Gedanke vo dene Lüüt sehr glaubwürdig.
So cha mer iri Handlige besser nachevollzieh.

Ich tue gärn läse. Ich läse am liebschte Liebesgschichte oder Krimis. Miis letzschte Buech heisst “Nachricht von dir” vom fränzosische Schriftsteller Guillaume Musso. Er isch sehr bekannt. Ich ha das uf Französisch gläse. 

Es goht um zwöi Persone, wo iri Natels am Flughafe z New York per Zufall vertuusched. De Jonathan flügt uf Kalifornie und d Madleine zrugg uf Paris.

Die zwöi könned sich nid aber jetzt läsed sie d Nachrichte von-enand und lueged di private Föteli aa. Es isch e spannendi Gschicht.
Es isch verruckt, wie vil mer nume mit em Natel über di anderi Person cha usefinde. Si händ beidi es Gheimnis, kenned gliichi Lüüt und wönd sich träffe.
Schlussändlich träffed si sich z New York, wo si es Maitli sueched. S Maitli isch i Läbesgfahr und si chömed s cho rette. Dann wiird d Gschicht wirklich zu-mene Krimi! Nach em Happy End wiird de Jonathan Polizischt und rettet noch vil Läbe.
Ich cha dir das Buech wärmschtens empfähle. Es isch sehr schpannend!
Das isch e Gschicht, wo allne chönnti passiere. Es veraalasst eim, drüber nochezdänke, wie vil privati Informatione mir uf em Netz hend und was anderi chönd demit mache. Und natürlich weiss mer bis am Schluss nid, was passiert.

Im Läseklub
Am Sunntig ha-n-i miis Träffe mit em Läseklub gha. Das isch alli zwöi Mönet. Das Mal he-mer es Buech vo-mene junge Autor gläse. Mir sälber het das Buech nid so gfalle, aber mir hend sehr e gueti Diskussion drüber gha.
Das isch es Phantasii-Buech gsi. I dem Buech isch e schlächte König gsi und sini Bürger sind arm gsi und hend vil müsse schaffe.
Eines Tages het e jungi Frau e magische Schtei gfunde, wo ine het ghulfe.
Di jungi Frau isch zum König gange. Er het ire de magischi Schtei wölle wägnäh. Im Buech het s vil Gwalt. Es isch chli e Schpiegel vo üsere Ziit.
Das isch s erschte Buech vo-n-ere Triologii, mir wüssed also nonig, öb s es Häppyend git, mir münd no warte, bis di nöchschte zwöi Büecher usechömed.

Jetz he-mer üs für es nöis Buech entschide. Das isch es Buech über es abnormals Chind.
Ich fröie mi scho uf s nöchschte Träffe mit em Läseklub.