To speak about a book in Swiss German

Ich läse jetz es Buech vom Leo Tolstoj.
Es heisst “Chrieg und Fride”.
Das isch s berüemtischte Buech vo-n-em.
Es isch sehr lang aber o sehr interessant.
Z Russland isch das Buech Pflichtlektüre.
Aber we-mer 16ni isch, denn isch es vil z schwirig und z lang.
Ersch we-mer meh Läbeserfahrig het, wird s interessant für de Läser, süsch isch es z langwiilig.
“Chrieg und Fride” isch e historische Roman.
Es handlet vom Läbe vo Russe im 19te Johrhundert.  
Denn het s de grossi Napolen-Chrieg gäh.
1812 hend d Russe Moskau abebrönnt, wil si nid hend wölle, dass de Napoleon Moskau cha plünderet.
Das isch im Winter gsi, Moskau isch ruiniert gsi u em Napoleon sini Truppe sind uusghungeret gsi.
Er het sini Truppe  nüme chönne versorge.
De Tolstoi schilderet i siim Buech au s Läbe vo de russische Arischtokrate während em Chrieg.
Einigi vo däne hei sehr pompös gläbt. Es geit aber o um d Liebi u um s Seeleheil.
Er hebt de Gsellschaft e Schpiegel vor und versuecht d Konsequänze vom Handle vo de Lüüt uufzzeige.
Er zeigt, dass es vor allem i schwirige Ziite nid eifach isch, e guete Mönsch z sii, aber dass es sich lohnt uf em Wäg z bliibe.
​