Mine Unkel Jo, es Läbe mit Down Syndrom
Letschte Tsiischtig isch mine Unkel gschtorbe.
Sini Beärdigung isch am nöchschte Donnschtig.
De Tod isch für ihn e-n-Erlösig gsi.
Er het Down-Syndrom gha und het immer scho Betröiig bruucht.
Aber die letschte füüf Johr isch er schwär chrank gsi.
Er isch i üsere Familie sehr guet integriert und gschätzt gsi.
Er het üses Läbe beriicheret und mir lueged s Läbe us enere andere Perschpektive aa.
Er het sehr gärn Musig gha und isch e erfolgriiche Schprotler gsi.
Er het a de Schpecial-Olympiade für Behindereti zwöi mal e Medallie gholt:
Im Sägle und im 400m Schprint.
Mini Grossmueter het sich s ganze Läbe lang um ne kümmeret.
Lüüt mit Down-Syndrom sind sehr offe und hend e härzleche Kontakt mit irne Mitmönsche.
Mine Unkel het sogar im Supermärt gschaffet. Er het d Iichoufswägeli zämegsammlet und wider zrugg bracht und immer es guets Wort für d Lüüt gha.
Als Chind het er e Schpezialschuel bsuecht. Aber süsch het er normal gläbt. Er isch immer glücklich, zfride und dankbar gsi, au während sinere Chrankheit.
Mini Grossmueter und mini Mueter hend sich i de letschte 5 Johr rund um d Uur um ne kümmeret und hend praktisch kei Underschtützig vom änglische Gsundheitssystem gha.
Mine Unkel isch 46 worde. Das isch sehr alt für öpper mit Down-Syndrom. 80% vo ine händ so wie-n-er Demänz im Alter.
Er het sicher es sehr erfüllts Läbe gha. Ich glaube es isch sogar besser gsi als das vo vilne sogenannt “normale” Persone. Schliesslich zellt im Läbe d Liebi am Meischte und die het er allne grosszügig gschänkt.
Oschtere wird z Ängland nümme so gfiired, aber das Johr isch Oschtere für mich sehr schpeziell gsi, wil mir während dem alles für d Beärdigung vo mim Unkel vorbereitet hend.
Di ganz Familie isch zämechoo und alli hend enand ghulfe und enand tröschtet. Es isch sehr fridlich gsi.
Sini Beärdigung isch am nöchschte Donnschtig.
De Tod isch für ihn e-n-Erlösig gsi.
Er het Down-Syndrom gha und het immer scho Betröiig bruucht.
Aber die letschte füüf Johr isch er schwär chrank gsi.
Er isch i üsere Familie sehr guet integriert und gschätzt gsi.
Er het üses Läbe beriicheret und mir lueged s Läbe us enere andere Perschpektive aa.
Er het sehr gärn Musig gha und isch e erfolgriiche Schprotler gsi.
Er het a de Schpecial-Olympiade für Behindereti zwöi mal e Medallie gholt:
Im Sägle und im 400m Schprint.
Mini Grossmueter het sich s ganze Läbe lang um ne kümmeret.
Lüüt mit Down-Syndrom sind sehr offe und hend e härzleche Kontakt mit irne Mitmönsche.
Mine Unkel het sogar im Supermärt gschaffet. Er het d Iichoufswägeli zämegsammlet und wider zrugg bracht und immer es guets Wort für d Lüüt gha.
Als Chind het er e Schpezialschuel bsuecht. Aber süsch het er normal gläbt. Er isch immer glücklich, zfride und dankbar gsi, au während sinere Chrankheit.
Mini Grossmueter und mini Mueter hend sich i de letschte 5 Johr rund um d Uur um ne kümmeret und hend praktisch kei Underschtützig vom änglische Gsundheitssystem gha.
Mine Unkel isch 46 worde. Das isch sehr alt für öpper mit Down-Syndrom. 80% vo ine händ so wie-n-er Demänz im Alter.
Er het sicher es sehr erfüllts Läbe gha. Ich glaube es isch sogar besser gsi als das vo vilne sogenannt “normale” Persone. Schliesslich zellt im Läbe d Liebi am Meischte und die het er allne grosszügig gschänkt.
Oschtere wird z Ängland nümme so gfiired, aber das Johr isch Oschtere für mich sehr schpeziell gsi, wil mir während dem alles für d Beärdigung vo mim Unkel vorbereitet hend.
Di ganz Familie isch zämechoo und alli hend enand ghulfe und enand tröschtet. Es isch sehr fridlich gsi.
