De Taxifahrer - en Adväntsgschicht
Es git Dschöbs, di wett mer a Wiehnachte würklich nid mache: Notfaudienscht ime Schpitau, Pizza-Huusliferige oder am Heilige Abe aus Taxifahrer ungerwägs sii. Aber es git Mönsche, di chöi mit Wiehnachte nüüt aafah, us welne Gründ o immer. Es git sogar settig, di närve sich derart a däm Fescht, dass si gärn bereit si dr Dienscht z tuusche, so dass e Kollegin oder e Kolleg mit dr Familie cha Wiehnachte fiire. So isch s am Werner früecher o gange. I bi öppe mit däm Täxeler gfahre u mängisch hei mer dehei vor em Huus no chli gredt. Einisch o am 23ischte Dezämber.
I ha ne gfragt, öb er de o morn, am Heilige Abe fahri.
Früecher ja, het er gseit, er sig immer mit eim vo dene beide Fahrzüg vo siim chliine Taxibetriib ungerwägs gsi u heig ganz verschideni Erfahrige gmacht. Am Heilige Abe gäb s meischtens meh Trinkgäud, wil d Lüüt Erbarme heigi, dass me denn müessi schaffe u angeri Chunde sige de denn bsunders schwirig. Di lönge sich irgendwo la vou-loufe u sige de aubes derart aukoholisiert, dass si im Taxi scho iischlafi, bevor si d Adrässe chönni säge.
I ha de Werner o gfragt, öb s Sache gäbi, wo-n-er nümm vergässe heigi.
Momou, het er gseit, einisch ame Heilige Abe, da heig er mau e jungi Frou, wo ganz eleini sig gsi, is Schpitau müesse bringe. Si sig hochschwanger gsi u heig scho schtarchi Wehe gha. Er heig Panik gha, dass ds Chind no im Taxi uf d Wält chöm, drum sig er gfahre wi-n-e Hänker, es heig grad no glängt. Er sigi diräkt i Notfau u heig no ghoufe, si uf d Baare z lege. U wo-n-i frage, öb är wüssi, was us dere Frou u däm Chind worde sigi, het er glachet.
Die heig de schpäter us em Schpitau aaglüütet, wöu si ds Fahrgäud noned zaut heigi, u heig sich o no für si hiuf wöue bedanke. Är heig se de bsuecht, u ja, schpäter o ghürate. Hüt sig de 23igscht Dezämber, da fahr er no, morn, am Heilige Abe nüme. Da sig er bi sir Familie u si Adoptivsohn heig ja o no Geburtstag.
I ha ne gfragt, öb er de o morn, am Heilige Abe fahri.
Früecher ja, het er gseit, er sig immer mit eim vo dene beide Fahrzüg vo siim chliine Taxibetriib ungerwägs gsi u heig ganz verschideni Erfahrige gmacht. Am Heilige Abe gäb s meischtens meh Trinkgäud, wil d Lüüt Erbarme heigi, dass me denn müessi schaffe u angeri Chunde sige de denn bsunders schwirig. Di lönge sich irgendwo la vou-loufe u sige de aubes derart aukoholisiert, dass si im Taxi scho iischlafi, bevor si d Adrässe chönni säge.
I ha de Werner o gfragt, öb s Sache gäbi, wo-n-er nümm vergässe heigi.
Momou, het er gseit, einisch ame Heilige Abe, da heig er mau e jungi Frou, wo ganz eleini sig gsi, is Schpitau müesse bringe. Si sig hochschwanger gsi u heig scho schtarchi Wehe gha. Er heig Panik gha, dass ds Chind no im Taxi uf d Wält chöm, drum sig er gfahre wi-n-e Hänker, es heig grad no glängt. Er sigi diräkt i Notfau u heig no ghoufe, si uf d Baare z lege. U wo-n-i frage, öb är wüssi, was us dere Frou u däm Chind worde sigi, het er glachet.
Die heig de schpäter us em Schpitau aaglüütet, wöu si ds Fahrgäud noned zaut heigi, u heig sich o no für si hiuf wöue bedanke. Är heig se de bsuecht, u ja, schpäter o ghürate. Hüt sig de 23igscht Dezämber, da fahr er no, morn, am Heilige Abe nüme. Da sig er bi sir Familie u si Adoptivsohn heig ja o no Geburtstag.
