De Rattefänger vo Hamle - es Märli
Es isch emol e Schtadt gsi. Die het Hamle gheisse. Und die Schtadt isch richtig ploged gsi. Es het überall Ratte gha. Uf de Schtrosse und i de Hüser, i de Chuchi, uf em Tisch, under de Kommode, im Büechergschtell, im Schlofzimmer, a de Wand und im Bett.
Die Ratte sind d Lüüt vo Hamle eifach nid losworde. Si hend alles Versuecht. Do het de Bürgermeischter gseit: “Dä Maa, wo üsi Schtadt vor dere Ratteplog cha rette, dä chunt e grossi Belohnig über.”
Das het e bsundere Musiker ghört und isch zum Bürgermeischter gange.
“Was gisch mer, wenn ich öi vo dene Ratte befreie?” het er ne gfrogt.
“Es Säckli Gold!” het dise gseit und scho het sich de Rattefänger as Wärk gmacht.
Er het sini Flöte füregnoh und e wundersami Melodie druf gschpilt. Die Melodie isch magisch gsi und alli Ratte hend si ghört und sind am Rattefänger nochegloffe. Us allne Hüser und allne irne Verschteck sind d Ratte fürecho. Tusigi vo Ratte sind em nochegloffe und de Rattefänger isch mit ne i Fluss ine gloffe. So sind alli Ratte im Fluss vertrunke.
Do isch de Rattefänger zrugg zum Bürgermeischter gange, für sini Belohnig, aber dä het sis Verschpräche nid ghalte und em nüt wölle gäh. Vor Wuet het de Rattefänger no einisch sini Flöte gnoh und isch dur d Schtadt gloffe. Dasmol het d Melodie alli Chinder verzouberet und si sind em nochegloffe. Er isch mit ine i d Bärge gange und d Chind sind niemeh heicho.
Die Ratte sind d Lüüt vo Hamle eifach nid losworde. Si hend alles Versuecht. Do het de Bürgermeischter gseit: “Dä Maa, wo üsi Schtadt vor dere Ratteplog cha rette, dä chunt e grossi Belohnig über.”
Das het e bsundere Musiker ghört und isch zum Bürgermeischter gange.
“Was gisch mer, wenn ich öi vo dene Ratte befreie?” het er ne gfrogt.
“Es Säckli Gold!” het dise gseit und scho het sich de Rattefänger as Wärk gmacht.
Er het sini Flöte füregnoh und e wundersami Melodie druf gschpilt. Die Melodie isch magisch gsi und alli Ratte hend si ghört und sind am Rattefänger nochegloffe. Us allne Hüser und allne irne Verschteck sind d Ratte fürecho. Tusigi vo Ratte sind em nochegloffe und de Rattefänger isch mit ne i Fluss ine gloffe. So sind alli Ratte im Fluss vertrunke.
Do isch de Rattefänger zrugg zum Bürgermeischter gange, für sini Belohnig, aber dä het sis Verschpräche nid ghalte und em nüt wölle gäh. Vor Wuet het de Rattefänger no einisch sini Flöte gnoh und isch dur d Schtadt gloffe. Dasmol het d Melodie alli Chinder verzouberet und si sind em nochegloffe. Er isch mit ine i d Bärge gange und d Chind sind niemeh heicho.
|
|
|
