GFALLT DIR DAS?

GFALLT DIR DAS?

• Wie gfalled dir am Paul Klee sini Bilder?
• Si sind sehr abschtrakt, aber farbefroh. Drum gfalled si mir sehr guet. Und wie gfalled si dir?
• Nid schlächt, aber ich ha lieber realistischi Bilder, wie de Albert Anker si gmalet het. Er het s Läbe uf em Land im 19. Johrhundert dokumentiert und mir gfallt s Liecht i sine Bilder.
• Mine Eltere gfallt de Albert Anker au sehr guet.
  Mini Mueter het sogar es Goblin vom chline Musikant gmacht, es het ire so guet gfalle.
• Nei, mini Eltere hend lieber impressionistischi Kunscht. Ine gfallt zum Biischpil de Claude Monnet. Mine Vater het sogar s Bild vo de Wasserlilie vom Monet gchauft, es het im so guet gfalle!
• Üs gfallt das au sehr guet, aber es original isch vil z tüür. Mir hend dehei es Plakat vomene Bild vom Hans Erni lo iirahme. Das schmückt jetz üsi Schtube.
• Üsi Fründe hend e sehr begabti Tochter. Ine gfalled d Bilder vo irere Tochter am beschte. Drum hend si ganz vil devo dehei uufghänkt. Wo mir si sind go bsueche, hend si üs gfrogt: "Gfalled öich die Bilder?" Natürlich he-mir gseit, dass si öis gfalled und mir hend ire eis abgchauft. Das  isch fasch so guet wie eis vom Paul Klee.