How the luna moth became an endangered species

De Actias Luna isch nüme so hüfig wie früener. Wiso isch er hüt vom Uusschtärbe bedroht?

De Luna Moth (Actias Luna) isch z Nordamerika e iiheimische Nachtfalter, wo vo-nere importierte Flöigen-art verdrängt wird.
D Flöige legged iri Eier uf d Raupe vo vilne Nachtfalter ab.D Larve vo dere Flöige sind Parasite, wo iri Opfer vo inne frässed. Früener sind die Nachtfalter überall vorcho und sehr hüfig gsi, aber jetz gseht mer si nume no sälte.
Die Flöige bringed s ganze Ökosyschtem durenand und bedrohed vil iiheimischi Nachtfalterarte. Aafangs 20. Johrhundert het e Maa e Nachtfalter “Gipsy Moth” importiert. Dä het sehr vil Schade i de Wälder aagrichtet. Er het sehr vil Laub gässe.
Wo-n-i es Chind gsi bi, bi-n-i i Wald go schpaziere und ha sogar ghört, wie die Raupe s Laub gfrässe hend. Si hend ganzi Böim und ganzi Waldteil kahlgfrässe. Gäge dä Nachtfalter (Gipsy Moth), het mer die Parasite-Flöige iigfüehrt. Leider het si au vil iiheimische Falter-Arte aagriffe. So, dass de Luna Moth und anderi Arte fascht vom Uusschtärbe bedroht sind.
Die Flöige isch sehr visuell veraalagt. Si gseht iri Opfer und leit iri Eier druf ab. Ich möcht versueche e Falle für die Flöige z baue, dass mer si chönt unschädlich mache.