Gritibänze bache

Gritibänze bachet mer i de Schwiiz im Advänt, so um de 6. Dezämber ume.
Es sind eigentlich chliini Männli us Zopfteig.
Gritibänze mache isch e grossi Attraktion für mini Chind.
Si chönd debii sehr kreativ sii und mängisch mached si ou anderi Sache wi Schneemanne, Schnägge, Vögeli, Söili, Schildchrötte usw.

ES BRUUCHT FOLGENDI ZUETATE:
500 g Mähl
1,5       Teelöffeli Salz
3         Ässlöffel Zucker
​60 g  weiche Anke i chliine Schtückli
0,5     Würfel Hefe (ca.20 g)   ​
3 dl    lauwarmi Milch oder Wasser                
​

1 verchlopfts Ei 
Haselnüssli, Mandle und Rosine     

​ alles i-n-ere Schüssle mische
​im Wasser (Milch) uf 37 Grad uufwärme
dezuegäh, mische und zu-mene weiche Teig verchnätte. 
​Zuedeckt bi Ruumtemperatur ca. 2 Schtund uf s Dopplete lo uufgoh.
zum beschtriiche
zum verziere

Forme:
De Teig i 4 Porzione teile und zu je-n-ere Rolle forme. Ca. 1/5 für Chopf, Haar und Verzierige abschniide. D Bei und d Arme iischniide, de Chopf und d Verzierige mit chli Wasser aachläbe und de ganz Gritibänz uf-n-es mit Bachpapiir beleits Bäch legge.
D Gritibänze mit Ei beschtriiche und verziere.

Bache:
ca. 25 Min. i de undere Hälfti vom uf 180 Grad vorgheizte Ofe. Denn usenäh und uf-emene Gitter lo uus-chüele.

​Dä Teig cha-mer ou bruuche zum de Drü-Königs-Chueche bache.
Das isch e Chueche, wo mer nur am 6. Januar, am Drü-Königs-Tag isst.
S schpezielle isch, dass irgendwo e König drin verschteckt isch, und wär de König i siim Brötli findet, dä daf d Chrone ufsetze und e Tag lang regiere.

---

Click to set custom HTML