Bim Dokter - Verletzige

• Grüetsi. Was isch los?
  
  
• Grüetsi. Mini rächti Schultere isch uusgränkt.
  
  
• Wie isch das passiert?
  
  
• Ich han-en-Unfall gha mit em Velo und bi uf d Schultere gheit.
  
  
• Lönd si mi mol luege. Ziend Si bitte Ires T-shirt ab.
  Hoppla, scho isch si wider dinne.
  Passiert Ine das vil, dass Si d Schultere uusränkted.
  
  
• Jo, das isch mir scho drü mal sit emene Johr passiert.
  
  
• Das isch nid guet.
  Ich verschriibe Ine do es MRI und mälde Si grad aa. Wenn ich denn d Resultat überchume, chömed Si wider bi mir verbii.
  Denn lueged mir, was mer do cha mache.
  
  
• Guet. Chan-i jetz wider normal Schport mache?
  
  
• Nei, Si münd jetz uufpasse. Noch drü Wuche chönd Si vilicht wider e chli jogge oder Velo fahre, für intensiveri Schportarte wie Schwümme oder Tennis schpile bruuched Si zwei Mönet Pause.
  
  
• Chan-i mi wider aazieh?
  
  
• Nei, warted Si no-ne Momänt. Mini Arztghilfin wird Ine Iri Schultere no chli verbinde.
  
  
• Danke. Bis schpöter.
  
  
• Ade und gueti Besserig.